باسم من يرحم المسلم ويغفر ذنوبه ابتدي الكلمة اللي خير بادي بداها وقفة الرجل في كل الأمور محسوبة خص عند الملوك اللي يذري ذراها مرحبا يا ذرا الأمة ونور العروبة عد ما هلت النذرا على الأرض ماها أنور الليث بقدومك وهبت هبوبه يوم راية سموك رفرفت في سماها وأقبل الغيث من قبلة ترادم نصوبه كل ما مر له ديره بوبله سقاها وقفتك يا طويل العمر ما هيب نوبه تمضي الوقفة الأولى والأخرى وراها كم فقير تلد بنظرة العطف صوبه عاش بأمن وبأمان ولفتتك ما نساها كان الأحياء القديمة بالغموض محجوبة لين حضرت سموك شاف وش محتواها في بيوت يصير إلها الوصول بصعوبة راح عنها عجاج الفقر والخير جاها أشرقت شمس أهلها والرفاة أيقنوا به وأصبحوا في قراير نعمة ما سواها والمشاريع فاقة كل رقم بعجوبه والمصانع حضورك رافع مستواها وأكبر إنتاج للروبيان وأكثر خصوبة في حياض تسر عيون حي يراها الأيادي سعودية ما جات مغصوبة جت تعلم وتخدم سدد الله اخطاها وأنت دايم ونفسك للمواطن لبوبه عاشت النفس واللي بالمكارم رباها شارب حب شعب بالعناية تلوبه في ديار تشبع بالشهامة ثراها في سماها كرامه في هواها عذوبه مهبط الوحي مولد سيد الرسل طه قبلة المسلمين بكل خير محبوبه أسس حدودها معزي وجدد صباها دولة ترفض المنكر وترفض سلوبه دولة آل السعود اللي عزيز نباها دولة مسلمة وإلها على الأرض حوبه كل يومٍ على المصحف تجدد ولاها قادم فهد بن عبدالعزيز ورضوا به قادهم للتقدم والحضارة بناها وأبو متعب على كل الأمور اعتزوا به يا سمو سيدي بك يفتخر ويتباها شعبك اللي ليا شبت وقايد حروبه ساقها لين تاصل فألعيا منتهاها روسهم بالعصايب في اللزوم معصوبه في نحور الطغاة إليا تزايد عياها فكرهم تايهين الفكر ما غرروا به يوم بعض الأوادم رايح في عماها يا حبيب المواطن يا منور دروبه يا مرجع ملاقيف العرب عن هواها والله إنك على راع الدسايس عقوبه كاشف نية اللي كلمته ما حماها يصبح الصبح ما يستاسعه غير ثوبه وقعت في صميمة كلمة ما هقاها الله اللي كشف ستره وبين عيوبه من يدور لصلفات الدعاوي لقاها وأبو خالد حمى شرق البلاد وجنوبه والوسط والغروب مع الشمال احتماها هيبته من مهابتها البلاد مهيوبه عين تنظر لنا بالشر عنده دواها يا سلايل معزي يا حماة العروبة يا أسرة الخير يا نور الديار وحلاها
