صوت الحزن

مع نبرة الصوت مجرور
صوت يعبر من حشا الجوف شالي
ونة حزن مركوبها الحزن مجبور
ونات حزنٍ كنها النار صالي
حتى القلم وقف من الهم مقهور
عيا يجاوب بين الاوراق حالي
العين بين دمعها اليوم منثور
ادموع حزنٍ تبكي اليوم غالي
على فقيدٍ جعله اليوم مغفور
زميلنا يا جعل قبره ظلالي
يا جعل قبره روضةٍ كلها زهور
ويا جعل روحه ساكنه فالعلالي
في جنة الرحمان مسكنك بقصور
اقصور بانيها عظيم الجلالي
رجال طيبٍ يفعل الطيب منعور
دايم على فعل الجزايل موالي
رجال منطوقه جواهر ومخبور
بين الرفاقه والزماله مثالي
راعي جمايل دايم الخلق مسرور
قرمٍ من اللي صيتهم دوم عالي
والخاتمه صلوا على مبعث النور
على النبي اعداد نجمٍ عوالي