زاد صدك

ما بقالك بقلبي مثل ماضي غلاك
انتهى مع زمانك مات من بين ايديك
زاد صدك عن اللي بالمحبة عطاك
يا بخيل المواصل وش لقامنك فيك
وطال هجرك وبعدك لين قلبي نساك
لا تلومه وتسأل ليش يقسى عليك
يوم ذقت المراره خيب الله رجاك
جيت يالقلب الاسود دور اللي يبيك
يوم ياسك عن الرجوى خذلك وطواك
يوم سود الليالي اصبحت تحتويك
جيت لكن عقب ماحب بغيرك وطاك
واستقر وتمكن مايبي له شريك
عش حياتك وخله يبتعد عن شقاك
وانسني يرحم الله يالشقا والديك