مر الجفا

عندي سؤال ومستحيل انك تجاوبني عليه
ياللاسف ب ارحل عن الدنيا وفي بالي سؤال
حبيتني ليه وتماديت بغلاي.. وخنت ليه؟
يا اكذب حقيقة في حياتي واصدق انواع الخيال
قبل امس ماغلا منك عند العاشق الا: والديه
لبى لك احساسه بلهفة يوم ناديته: تعال
واقبل بنية صادقة عقله.. وقلبه في يديه
مجنون حب وعاطفه.. والصدق عنده راس مال
ليتك «قراح» واشربه ولا «سراب» ما رتجيه
اسقيتيني مر الجفا.. وانسيتني حلو الوصال
وفيت لك رغم الظروف وكنت في حبك نزيه
واثرك تشوف ان الوفا يابايع العشرة هبال
لا ما يشرفني اكون بنظرة امثالك نبيه
هذي قناعاتي ومبداي الوفا في كل حال
مادام شيمتك الجفا حتى وليفك برت فيه
مافيه داعي للسؤال.. وللعتب يابن الحلال!!
عايض بن مساعد