نبض الخفوق

من طارد الشوق عمره مالقا راحه
يقبل به احساسه الكاذب ويقفي به
يا صاحبي زد شوقك واكبح جماحه
مادام الى الحين توه ما عوى ذيبه
يا صاحبي والدموع اليوم فضاحه
لا تفضح الليل في حضرة معازيبه
من يفتح القفل لامن ضاع مفتاحه
ومن يأخذ الحق لاماتوا طلاليبه
مادام كل معه في كفه سلاحه
ابعد قبل لايقال فلان والخيبه
الحق على القلب لا تتركه لجراحه
لا تتركه للطعون الزرق تسري به
يحرم على العين تمسي ليل مرتاحه
اذا اوجست يوم من محبوبها ريبه
يا صاحبي والعيون السود ذبّاحه
مثل السهم ينحر المقصود ويصيبه
ارحل لاصار السلامة جاتك رجاحه
فوق المعزة وفوق القدر والهيبه
ومن طارد الشوق عمره مالقا راحه
يقبل به احساسه الكاذب ويقفي به