عدة جروح

لو أن قول الآه يبري عنا الروح
قلت آه لين الروح تبرى من الآه
يسكن بجوفي من زمن عدة جروح
وأصغرهن اللي ما لقينا له دواه
يا معذبي مالك من الهجر مصلوح
حديت قلب اللي يحبك على أقصاه
ما باقي إلا أبدي بالأسرار وابوح
وأصيح للغايب مع الحاضر أنخاه
ألحق عليّه قبل لاروحي تروح
قلبٍ يحبك بالجفا لاتحداه
ماني بعايش كثر عمر النبي نوح
حتى أني أرجيك أول العمر وأتلاه
أن كان باب الوصل مازال مفتوح
مد اليمين لعاشقٍ مد يمناه
وأنته وعودك كلها ضحك مزوح
كم لي صدوق الوعد منك أتحراه