بعض الغلا

إن قلت غالي.. ظلمتك يا هوى بالي
كل الغلا لك.. ومن حقي أماري به
غلاك عندي تجاوز أصغر عيالي
ما يجهلك.. وأنت تدري وأنا أدري به
ما كل غالي يسمى غاليٍ.. غالي
بعض الغلا يختفي من قبل تحكي به
يا شف عيني غريبه منك احوالي
لا وعذابي معك.. لي طالت الغيبه
تنزف جروحي.. وله وأشواق وآمالي
تسري مع الليل الاسود في مطاليبه
تشبه عذوق النخل في غيبتك حالي
والي انصرم من عذوقه وش تسوي به
لي شفتك بعين غيري داله سالي
اغيض نفسي واشد الهم واسري به
ودي احس الغلا منك لي لحالي
من قبل يحرق خفوقي مطلب الطيبه