الخافق الحي

غبتي ولا غبتي عن الخافق الحي
رحتي بعيد وكن مانتي بعيدة
رحتي ولكن ما تغير ولا شي
أنتي ما زلتي بالخفوق اوريده
عندي وانا من غيبتك منكوي كي
لا حل لي طاريك همي يزيده
همي هو انتي بس انا ويش بيديّ
نفس الشقا ما حصلت ما تريده
لا تسأليني من ذبحني ومن هي
ولا تسأليني من بقلبي وحيده
روفي وشوفي كيف سوّى الزمن في
والا على خبري مازلتي عنيده
غبتي وجيتي واشرقت دنيتي ظي
وعقب التعاسة عشت دنيا سعيدة