حبال ينقضها والأخرى فتلها

بقدوم نايف كل مخلوق ولهان
على نظر لقياه بالحيل ولها
من الساحل الغربي تراحيب شفقان
جدة تزين له وتلبس حللها
تنثر عبير الورد وزهور ريحان
وموج البحر رحب وعانق جبلها
من الساحل الشرقي تغاريد وجدان
ممزوجة بالحب واحلى جملها
ومن الشمال النود هبت مسيان
تحمل تراحيب طريَّ ذبلها
ومن الجنوب جبالها شالت ألحان
من اشجارها الخضراء وصافي عسلها
ومن نجد جاك الصوت عالي وطربان
ترقص فياضه والجبال وسهلها
قامت ترحب به شباب وشيبان
والطفل والمرأة ورحب كهلها
يا مرحبا ترحيبة مالها اثمان
إلا الوفا والصدق بقلوب اهلها
يامرحبا من روس وانفوس واعيان
ومن الجوارح والقلوب وعملها
بنايف ونايف عالي القدر والشآن
قدره تمكن بالقلوب ونزلها
الله رفع قدره وعلاه من شان
مهوب عن حاجات من جاه يلها
رجل وفي وافي ورمز للانسان
حاز الخصال الوافيه واكتملها
بالقول والافعال في كل ما كان
الله من كبودٍ عليلة غسلها
الله جعل مبداه للعدل ميزان
المايلة لاجات عنده عدلها
قدره تعلا فوق هامات وامتان
باسباب عدله والامانة حملها
دايم معه في كل منهاج رحمان
طاعت له الصعبات حتى رحلها
ممشاة مع مبداه مهوب حيران
واثق من جهود جزيلة بذلها
نايف فصيح إلسان بالعلم ربان
كل الموارد والمعارف نهلها
إليا خطب خطبة تجي منه باوزان
تقول يقراها وهو يرتجلها
الله عطاه من احسن القول عنوان
يبعد عن الهفوة وموطن زللها
ينقي من المعنى جزيلات وسمان
ينهل من الصافي ويترك ثملها
يختار من قوله دلايل وبرهان
الناس في ما قال تضرب مثلها
سبحان من يختار فالناس سبحان
رجال تواجه فالمواقف جللها
إن شان ظرف الوقت إلا بعد زان
ثابت ونفسه ما يجيها مللها
نايف اليا منه بدت خطو الاحيان
بعض الامور اللي قوي جدلها
وقف لها بالعزم في كل ميدان
حبال ينقضها والاخرى فتلها
يمناه فيها سنان واعنان واحسان
نار يطفيها ونار شعلها
امجرب تجريب صاحين الاذهان
كم ناس مرضانة وداوى عللها
وكم شاف له عدوان بثياب صدقان
لكن يبخصها ويعرف حيلها
في كل وقت وحال مهوب بحلان
يبي يواجهها ويحمل ثقلها
الشعب ما يزمل ايوقف اكحيلان
هو منتهى الدعوى وهو من كفلها
يصبح بخير ويسر وايمان وامان
لا وصلته دعوى وهو ما وصلها
الله يديم العز في مهد الاديان
بقيادة ا للي ما تغير مللها
ترى العدو مخذول لو جاله السان
لازاد حكي الناس ذا من هبلها
اقوالهم وافعالهم نزغ شيطان
الله وانا اسأله يفرق اكتلها
وحنا بحيل الله قويين الاركان
ماهزنا صوت الرعاع وخللها
تمت وصلى الله على من هو ابان
السنة البيضا بدين شملها