علمٍ على وجيه النشامي قريته

علمٍ لفاني ليتني ما دريته
ولا عرفت إن العزا عند سلمان
علمٍ على وجيه النشاما قريته
علمٍ جعل للحزن بالقلب مسكان
مرحوم يا من في رحيلك كويته
والشعب كله مرتدي ثوب الأحزان
مرحوم يا من بالكرم شد بيته
مرحوم يا من للوفا صرت عنوان
أحمد ليا ضاقت عليك ونصيته
يفتح لك أبواب الهنا دون عرفان
تلقى الذي فوق الهقاوي هقيته
صدرٍ يعز اللي لفا حيث ما كان
ما يفيد لو طول الليالي بكيته
والقلب جاوب بالأسى دمع الأعيان
هذا القدر مكتوب لو ما بغيته
جاري ولا قدّر من الناس سلطان
وإن كان حتى الشعر به ما رثيته
والله ما أعاود نظمه بكل الألحان
ولا لي جدا غير الإله ودعيته
تجعله في جنّتك يا رب سكّان