شعر.. الأمير عبدالعزيز بن سعود

ضجو ا الخلق ضجة فاقدين الأمان

مرثية في الأخ صاحب السمو الملكي الأمير أحمد بن سلمان بن عبدالعزيز
تغمده الله بواسع رحمته وأسكنه فسيح جناته
للصبر بالمصايب عند ربٍ حكيم
مَنزلٍ في نهار البعث به مايهان
ومن يلوم المكارم عند فقد الكريم
ضجو الخلق ضجة فاقدين الأمان
أعظم الحزن حزنٍ في عيون العظيم
حزن موت القرايب يالله المستعان
حزن موتٍ جديد وحزن موتٍ قديم
ماللارواح غير اللي خلقها ضمان
أرفع الصوت أنادي فرخ حرٍ عديم
فوق روس المبادي ماوقفت بطمان
وين منهو لسمحات المراجل نديم
أبيض الوجه ينور مظلمات الزمان
كل ما قلت يا أحمدفي صباح وعتيم
يصهل احصانه اللي دارعٍ فالعنان
وتبكي الخيل فقد اللي يضد الغريم
في ميادين فوز رجال مجد الحصان
ابن عمي عليه الهم فينا مقيم
أظلم الدار والكاين من الله كان
يرحمه ربي اللي بالخفايا عليم
مات ماضاق صدره بالوفا والحنان
احسن الله عزا فيصل إلهٍ حليم
واحسن الله عزا سلمان والحق حان
كلنا له عيالٍ دايمٍ مستديم
وشعبنا لأخو فهد العدل كله اخوان