عمر القصايد

أدري قصيدي ما روى بداخلي شي
واللي كتبته من قصايد.. بخيله
ما أطفت لهيب القلب.. من جور مابيّ
والنار فيني يا حبيبي طويله
ما أظن شعري لا كتبته غدى مي
يبل ريقي بين يومٍ وليله
عمر القصايد ما احتوت كل ما في
يمكن تشيل حمول عني ثقيله
لكنْ جمري ما نطفى يوم ياخي
ظلت بقايا لهفتي هي دليله
الشوق فيني بالحشا كنه الكي
يلعب بكيفه والمنايا سبيله
ما غير شوفك يا بعد كل هالحي
هو حملي اللي في خفوقي أشيله
عوّد تراني ما بقالي أنا شي
حتى خفوقي أسرج اليوم خيله