بيضهن واحلى سمرهن وأجمل أجمل من عرفت من العذارى وأكمل أكمل من مشت بين العذارى والمحال الممكن والصعب السهل البعيد اللِّي وصل وشهقة الشعر وزفيره والأخيرة * * * ريّحيني من ابو زيد الهلالي والملوّح قيس اقلبي التاريخ في عيوني تعالي واشرقي بلقيس وامنحيني في الشهر حصة غرام درّسيني في مجازات الكلام علّميني الفرق بين المبتدا.. وبين الختام عافوا الطلاب جهلي، وفكري المسكون حيره وعفت أنا التدريس والحصة الأخيرة * * * كل مهنه غير حبك يا بعد عمري سخيفة اتركيني فيك أهيّم واتركي نبضي بكيفه رزقتي شوفة عيونك والهيام أروع وظيفة!! لا تلفِّيني بسكوت، ولا تذلِّيني بصمتك غرّدي يالعنبوها خفقةٍ ما صهللت لك انحري رقاب الأماني والظنون صبّحي عيد الجنون.. وفجّري بين العواذل حسرةٍ تعمي العيون خبريهم من تكوني.. خبريهم من أكون ولا تهابين السيوف اللي من الغيرة مغيره دام باقي للأمل فرصه أخيره * * * كنّك المنوة هملتي في مرابيعٍ خليّة بك تجدّد روضي الذابل، وشال السامرية إن طلبتك حلم صرتي.. وان بغيتك واقعيه بالصحاري ريم عفرا وبالشواطي ساحليه عشتك بكل الحضاره، وكل ذيك الجاهلية في ليالي الصخب كنتي، وبالليالي الشاعريّة يا بنيّه.. يا فضا العاشق وطيره مانسيتك واذكر القصة الأخيرة * * * إزعلي ما اقول حدّك سافري في كل وقت لديرة عنادك وصدّك مزقيني.. انزفيني عاتبيني من يحدّك؟ آه يا زين العتب لامن تحدَّر فوق خدِّك وآه يا حلو الرضى عقب اشتعالك وشدّك لولا لحظات التغلِّي، والتظلّم، والظّليمة ما عرفتك بالتجلِّي ولا غدى للانس قيمة ولولا ذلك ياالظما ذيك الظهيرة.. ما عرفنا قدرها.. القطرة الأخيرة. * * * في مساحاتك يضيع الهم يرتاع برحَبها كنّه جبال الجليد، وكنّك الشمس ولهبها تزرعي شكواي، واطلع غنوةٍ يصدح طربها تمنحي ظلماي صافي نورك الاسنى والابهى تاخذيني طفلك المطلي شقاوة تغسليني بالدموع وتمسحيني بالتلاوة وتبهجي حزن السريرة وابتسم لك.. واعزف الآه الأخيرة. * * * اعذريني لو بخلت أحيان وأحيان بكلامي لهفتي لك يا غرامي دوم تسرقني كلامي ومسمعي من ثرثرة شوقي يغار ومن لساني لا تغزّل بك يغار وداخلي ديره وشيبانٍ قدامى ودّهم بالاختصار..! والحكي ريح ومراكب لليتامى ولا على أرضي بحار..! والمعاني لص بين الناس بارع والحرس في كل شارع وابتهالاتي كثيرة أرتجلها.. بس في اللحظة الأخيرة * * * من شمال أقبلت أسابق في طموحي احسب الدنيا طموحي احسب القصوى طموحي لين جيتي وابتدا فعلا طموحي انغرستي بين ما اشوفه وشوفي وبين رغباتي وعزوفي وبين جثماني وروحي كنّك بصوتي الحروف الأبجدية والملامح والهويّة والتعابير الصغيرة والعشيرة صدقيني.. انتي أول من عشقت من النسا وانتي الأخيرة - الشاعر/ د. صالح الشادي
