سرور سفاح المطيري

هز قلبي

هز قلبي مع شروق الشمس شوقه
حرك الساكن.. من الاشواق.. طاري
رفرفت راية هواجيس سبوقه
سابقني واسبقني للمحاري
ودي اخفي علم الاشواق الصدوقه
ودي اكتم سرها واسكت واداري
نيتي لو ذابت النفس الشفوقه
ما شكيت من الوله لو زاد ناري
في خفوقي طاري وفزة وتوقه
وفي عيوني زيلته ليلي نهاري
توي ادري عن وسع صدري وضوقه
يوم فجأة غبت عن خلي اجباري
والله اني عقب من عمري بموقه
كني لحالي بليلي في براري
موحشٍ وقتي ولي نفس زهوقه
والونيس ابعيد ماهو في دياري
الحضيض اللي ظروف ما تعوقه
مع عشيره دوم وان غاب اختياري