أبيات مختارة

من قصيدة للشاعر محسن الهزاني حيث يقول:
بيني وبين صويحبي وقفة أحوال
يا من يقود الصلح بينه وبيني
واعطيه ما تملك يميني من المال
واجعل مقره بين جفني وعيني
ومن قصيدة للشاعر أحمد الناصر:
يا ناس راعي المحبة لا تعذلونه
مهوب عن صاحبه داله ولا سالي
لو يسهر الليل كله لا تلومونه
الحب بلوى ما نيب أول ولا تالي
لي صاحب ما قطعت الياس من دونه
لو غاب عني خياله دوم يبرالي
الصاحب اللي سحر هاروت بعيونه
ودي بشوفه ولكن ما تهيا لي
قصيدة الشاعر/ راشد محمد المشعان (أمير بقعاء الشرقية) اختيرت منها هذه الأبيات:
يالله يا راحم حوال المساكين
يا مبدله من عقب شينه بزينه
حبر الشفا من عضّ الانجاد يا معين
من شان دكاةٍ عسى الله يهينه
الله من قلب غدا الفين والفين
غدا شتات وبيح الله كنينه
قلب الخطا كثرت عليه الشواطين
يبرم كما تبرم سلوك المكينه
وان جاه ليلٍ صرّف الليل ليلين
وان جاء نهار زاد هم وغبينه
دنياك لابده من الشين والزين
عذبنَّا كثر اصطفاق اللعينه
مرن تزّهالك بوصف التحاسين
ومّرن توريك الغضب في جبينه
ان لقّتك وجهه بالاقبال نعمين
تربيك تربات الهنوف لجنينه
وان عضبت توريك صدّ وتماحين
وعدو عيني تسهجه حدر قينه
خلف خليفة البقعاوي - محافظة بقعاء