نشرنا في عدد الأسبوع الماضي لغزا كتبه الشاعر المعروف عبدالله بن صالح الاطرش من محافظة الرس وكان نصه: أنشدك عن بنتٍ بقدرٍ وقيمه أيام عمر البنت من رجل مسؤول علومها دايم تجينا قديمه مره تبين البنت لا تمت الحول وكالعادة وصلتنا عشرات الحلول وكان المستحق منها للنشر ما يقارب نصف ما وصلنا فجاءت كما يلي: أهلاً هلا باللي إبيوته حكيمه يا مولف الألغاز واللغز معقول البنت في موقع عسى الله يديمه قرب الرياض إتراث بالفعل والقول زيد أبو زيد.. القصيم عبدالله الأطرش عسى الله يديمه لغزه كتب نصه ويبقى له احلول واللغز حله يالرجال الفهيمه «أجنادريتنا» ليا جت عقب حول مشعل عبدالله الحربي قبة على الوطن جعل النعم مستديمه في ظل حكام لهم مجد وفعول حاضر مجيد وماضي له حشيمه «وجنادريه» بيَّنت كل مجهول عطا الله بن سليمان العطا الله الزلفي راح الزمان اللي مضى مثل غيمه تمطر علينا ثم تعدي على طول وفي وقتنا الحاضر تذكونا ديمة جنادريه تروي لنا كل مجهول عبدالرحمن حمود الحميدي الأسياح أهلاً عدد ما يهتف المزن ديمه وأعداد ما جتنا من الغاز وحلول اللغز يالأطرش بقدر وقيمه بجنادريه عصر الأجداد معقول فالح بن غازي الحربي رياض الخبراء يا مرحبا باللي بيوته سليمة عبدالله الأطرش له الحل معقول البنت يا الأطرش تراها عظيمة الجنادرية ما جهلها ولا زول سعدي بن عبدالله العضياني مثل العبير اللي تسامى نسيمه ذعذع هواء الماضي على الدار بحلول في حوزته عزة.. وعز.. وعزيمة وأمجاد ترويها الجنادرية فصول فهد الجروان الزلفي عبدالله الأطرش علومه كريمه ولغزه سهل والحل للغز مأمول (الجنادرية) دار عز وشيمه وإلي رعاها ريف رملي ومشلول محمد بن صقر الصفق - شقراء يا كاتبٍ لغزك بيمنى كريمه حل اللغز واضح ولا هو بمجهول هذا تراثٍ له سنينٍ قديمه بالجنادرية كل حولٍ بعد حول لطيفة سالم البديريعنيزة سلام ما هلت هماليل غيمه وأبهج من أريافٍ جرى فوقه سيول الجنادريه بأمر دوله عظيمه والخير بالدوله تحقق ومامول جلعود بن لافي الشمريحائل قريت أنا لغز بيوته سليمه وبرسل جواب اللغز في الحال وأقول حله ترى في كل عام نقيمه جنادريه ننتظرها على الحول هندي بن نابت الغياثات - الأفلاج سبعٍ وعشرٍ يالعقول الفهيمه ذا عمرها والعمر ما هو بمكفول في قرية تحكي علومٍ قديمه عن واقع الأجداد بالفعل والقول محمد بن عبدالكريم الشايع - بريدة لغزك يبو صالح أبيوته سليمه سجّل جوابي يالحميدي على طول امناسبة تجمع أوجيه حشيمه اجنادريه حلها ما يبي قول محمد بن ناصر العريني رياض الخبراء أهلاً هلا يا صادقين العزيمه أهل التراث وكل كاتب ومسؤول بالجنادرية شفت بيت وخيمه آثار للأجداد بالفعل والقول أمجاد الشكرة الأفلاج سلام يا الأطرش وحشمه وشيمه ياللي كلامك ما يجي منه مملول الحل واضح للعقول الفهيمة بجنادرية زينة العرض والطول علي رشيد الرشيد رياض الخبراء دام المعاني في بيوتك سليمه اكيد حل اللغز ما هوب مجهول البنت عاشت بين قدر وحشيمه وعاش التراث بوقت حاضر ومقبول خالد بن جزاء الحنيني - الدليميه الجنادرية بانطلاقه عظيمة تحفظ تراث العز والعز محمول وحكامنا يا عل ربي يديمه ويبقى تراث المجد مبني على طول نشمي نزال العنزي الدمام يا مرحباً يا هل العقول الحكيمه واللغز حكمتوه بالفعل والقول والبنت معروفه وبنت حشيمه سبعة عشر عاماً لها دور وفعول سعود جازي الحربي - الرياض شاهد تفاصيل العلوم الحشيمه اللي حفظها شبل وأوصى بها شبول شاهد لها «بالجنادرية» غنيمه تراث مجد أجدادنا قول وفعول نايف محمد الأسيد ميزة أبو صالح بغيره عديمه من عرفتي له ما تغير على طول وبنت نشد عنها عقول فهيمه فيها تراث المملكة صار منقول علي غنام رياض الخبراء نحيي الرجال الفاهمة والكريمه اللي تثبت قولها دوم بفعول اللغز واضح والمعاني سليمه شفنا «الجنادرية» على العرض والطول مشاري خالد الدعجاني - شقراء هذا البلد دايم يجي بالغنيمة من فضل ربٍ يعلم الفعل والقول و«جنادريتنا» عساها مقيمة يا ليت بعض أيامها إتزيد وإتطول محمد بن سعد بن غشام آل جناح - القويعية هذي ردودي والحلول السليمه عسى جوابي ياهل الطيب مقبول الجنادرية والجهود العظيمة نجاحها شفناه هو خير مدلول محمد بن عبدالعزيز الخنيفر - أشيقر
