آفات الصواديف

شاعر جديد قادم للشعر بقوة.. نراهن عليه إذا استمر بهذه القوة:
قلبي من آفات الصواديف خايف
ومن لوعة الحرمان والشوق ملهوف
للي تناديني ليا أقفيت نايف
وأقول سمي بين الأشواق والخوف
وتقول حنا ياغناتي ولايف
وأقول أنا هذا الذي يجرح الجوف
مستقبلي لو ضاع ما هو حسايف
للي تطمني بالأسماع والشوف
وش طمعتي لا صرت سامع وشايف
ما باقي إلا فالشتاء ظمت الصوف
تترجم الفرحة بحمر الشفايف
وتبين البسمة من اللول مصفوف
عمري قضى واللي مضى والوصايف
ضاق الفضا واللي بقى رمز وحروف