شاعر وأكثر من صورة

حالة
أنا العبد الفقير اللي رجاه وعزته بالله
إله ما يخيب اللي طلب عفوه وغفرانه
وأنا اللي حده الوقت الردييالين جاب أقصاه
زمان ماصفط لي غير تعذيبه وحرمانه
***
معالي
مايروم الصعاب ولا يهوز الصمايل
كود رجلٍ يطمن للثقيلة كتوفه
ليتني قبل ما تردم على النثايل
كل راعي جميل أراد بعض معروفه
***
كشف
ياللي تبي تعرف أسراري وعنواني
الحزن والضيق واللوعة عناويني
وإن كان من جد يا بن الناس تبغاني
في كل لمة حزن يمكن تلاقيني
***
بقايا
قمة عتابي يوم ما جاك مرسال
مني وأنا قلبي بدونك خلاوي
إلا بقايا جروح وغبون واهمال
وعرشٍ من الأفراح والانس خاوي