بشرى ثمينه عن سلامة كحيلان

اسعد خبر عن منبع الجود سلطان
قبل اسمعه بإحدى الصحايف قريته
بشرى ثمينة عن سلامة كحيلان
مضمونها قام وتعافى فديته
عم الفرح والإنس في كل الأوطان
والحمد للي تقصد الناس بيته
جا للسعد في ناظر الشعب عنوان
وكل تهنئ واطمئن بمبيته
الطير غنا له على خضر الاغصان
والقاف جاوب له على ما دعيته
طهور باذن الله رحمه وغفران
لا باس ياللي ذاع بالفعل صيته
عضيد ابومتعب على الضد سلطان
اليا احتمى الميقاف قدمك لقيته
درع الدفاع مطوره طير حوران
غير العتاد جنوده المستميته
يرعى حقوق الله وحقوق الانسان
وفيه يتجمع كل علم بغيته
ياقف على المشراف في كل ميدان
كنه يقول المجد كله خذيته
حرٍ شهر في عالي الجو لاهان
بعيون شعبه لو تبعد مبيته
لو قلت في مجده بديعات الاوزان
يشيب قافي بالمدح ما وفيته
الله يرده غانمٍ بر واحسان
سالم معافا تاج راسي فديته
عبدالله مرزوق العتيبي