ليالي العيد

حقيقه زماني ما مشالي على ما اريد
تركني على درب الزلق واخلف النيه
مشيت المسافه واكتشفت الدروب تزيد
جبرت القلوب القاسيه في مساريه
حفظت الدروس وزدت في حفظها ترديد
سبحت البحور اللي تغرك موانيه
الا يا عيوني لو هقيت الدموع تفيد
لا اقول اذرفي حتى يبيّن مجاريه
توارت حلومك يا عيوني ورى التعقيد
حبيبي رحل والبعد هاذي مواريه
رحل والعلوم اللي تجينا لها تاكيد
يبلغك خلك لا تحراه بالجيه
رحل في ليالي كنها من ليالي العيد
على صوت دقات الفرح قلت مرثيه
مشيت وتركته والجدى عبره وتنهيد
اجمّع حروفٍ ما تفسر معانيه
مشاوير عمري للاسف كلها تنكيد
تزيد القلوب ذنوب والناس مبليه
يكفّيك يا قلب العنا بهذلات الغيد
طريق الهوى يا قلب تتعب مماشيه
ترى الناس غيره ناس لا تتبع التحديد
تغلب علي جرح الزمان وبلاويه
انا ادري زماني ما يبيني على ما اريد
يعكر حياتي كل ما تصفى شويه