الخيانة مؤلمة

تاقف الشرهات في عنق الملام
كل ملامٍ داخل الحلق.. اصطدم
قصر حبّك يوم شيّدته.. غرام
هب ريح الجرح منك وانهدم
الخيانه مؤلمه.. عند الهيااام
تصدم اللي ماهقى إنّه ينصدم
مؤلمه والله وفي حقي حرام
ذاخرة لك خير تذخر لي ألم؟!
لا تحاتي من جرحته... بالكلااام
ما عليك وما على الفرقا.. ندم
ايه برحل دون توديع وسلااام
قلبي حبّك صدق لكن ما سلم
كثّر الله خير جرحك والختاام!!
لا خلا قلبك جروح.... ولا عدم