ياطاهرة

يا بنت أنا ماني كذا وظنونك تكّذب عليك
كلّي عيوب وماقوت تخجلني ظنونك وأتوب
أكذب عليك ودوم أخونك وألبس الأبيض وأجيك
وأعشق معك ألفين وجه ويمتلي صدري قلوب
أحلى الكلام أقول لك لو قلته البارح لذيك
ياقف على شفاهي معك مراهقِِ صبِ لعوب
أكذب ولا أدري ليه أكذب أعشقك ما أرتجيك
أخاف من صدق الحقيقة في الهروب من الهروب
والله أحبك وأعشقك وأعرف زمان اني أبيك
لكنها هذي الحياة اتعلمت منا الذنوب
العين عجزت تعتقك القلب عيّى يشتريك
في السجن خيّال وفي في الصدر رجّال كذوب
هذي الحقيقة ما يجي في الكون أطهر من يديك
وانا الذي أنقض وضوء الغيم والما والهبوب
أنقل عيوبي فوق متني وانت لك عيبك شريك
وباكر تبسم لي وجيه لك يعبسها الشحوب
يا طاهره حنا كذا المظهر يكذب عليك
يمكن يجي يوم أخجل من ظنونك وأتوب