نفحة إيمان

آمنت بالله مما صار يا مسلمين
الواحد الحي سبحانه عظيم الجلال
باعث نبيه وهادينا طريق اليقين
يامالك الملك يا مرسي رواس الجبال
انت الذي في يديك الامر مالك وزين
تزول خلقك وتبقى خالقي ما تزال
يالله يالله حقق طلبة السائلين
وانزل عذابك على اهل الشرك نار ووبال
اعداء الاسلام تطعنا خفى كل حين
وحنا من الضعف مافينا كتابة مقال
رسولنا في صحايفهم يسبه لعين
وحنا نصّوت وندعم من خلال وخلال
للعنصرية بنينا مجدنا لين لين
تجاوز الحد راع التفرقة والظلال
يا أمة الضاد وان مرت علينا السنين
وش فيك مالك أمل غير انتظار المحال
وش عقب سبوا نبي الله يا مؤمنين
وش عقب يتطاول الأقزام رؤوسٍ طوال
يا لله حنا عرب نشجب ونعرف ندين
كلام واللي تعلمناه مالك مجال
يارب هذا رسولك وأنت نعم العوين
تجزي عدّوه وتكفينا شرور القتال
هذا وأنا الشعر ما عّبر وقلبي حزين
لو قلت وأسرفت في قافي وطفت الخيال
يبقى بي الجرح ينزف يالله انك تعين
يامالك الملك يا مرسي رواس الجبال
سعيد العامودي