أربع حروف

عاهدتني يا آسري بأربع حروف
ألف.. ولام.. وحاء.. والباء.. خاتمه
تبقى معي والحب ما يبغي حلوف
وأحباره اسمك في خفوقي راسمه
أنت الحلا ياعذب ياذوق الوصوف
أنت القمر فوق النجوم الحايمه
الحسن ليله في سما عينك يطوف
وطعونها عند المواقف حاسمه
الورد في خدك على حد القطوف
جوري... عليه الخال الأسود واسمه
ينقش لك الحنا على بيض الكفوف
مخلوط باطياب العطور الدايمه
يا رايع القد الغزالي والعطوف
والقذله اللي تنتثر لك ناعمه
الشوق لك ياملهمي صرف وشغوف
والروح ياحبي بحبك هايمه
عن حب حبك ما تزحزحني صروف
حبك معي بعروق قلبي لازمه
- الشاعر/ عبدالعزيز بن محمد الحمد