بصمة ناعمة

استبيحك في غلاك اللي سكن بين الحنايا
واستبيحك عن خطاي اللي جنيته غصب عني
واستبيحك بالهوى اللي صار من ضمن البقايا
يوم يسرح في خيالي بالظليمة والتجني
والمجال اللي عطيتك خارج حدود المرايا
انكسر يوم ان قلبي تاه في بحر التمني
واندثر باقي جنوني وانتثر فوق الزوايا
وانتهى وقت قضيته بين طيب وسوء ظني
يعلم الله ما جزعت من الجرايم والخطايا
هذا حظي من عرفته والمصايب يبتلني
ما انصدمت بواقعي بس انصدمت من السوايا
كيف تسعى لاغتيالي وانت ما غيرك سكني؟
يكفي اللي قد جرى لي امتلا جسمي كوايا
يوم ما صدقت من قال السلامه بالتأني
سافر وخل الوداع وتكفى طعووونك هدايا
والخناجر من يدينك في زماني يطعنني
ارحل وسافر بعيد بدون لا تكتب وصايا
ما بقي لي منك غير حروف باقي يجرحني
انتهى وقت المرافع وأقفلت كل القضايا
وابتدى عشق المسافه والكلافه والتثني
بنت العز