لا أقبل الليل

الشاعر: حمد الاسعدي

يا رسول الود ودّ التحايا للخليل
قلّه إن اليوم في غيبته عندي سنه
من وداعه والخفايا على صال المليل
جاين لصدري بعد طول هالصبر دخنه
لا أقبل الليل أتعزّز يا ليلي ما أنت ليل
ساهرٍ ليل الهوى بين سيِّه وحسنه
واهج الوجد يتعذّر عن الطرف الكحيل
والتوجد يجرح القلب صوته ولحّْنه
كل نوِّنْ يمَّة الغرب عيني له تخيل
بارقه شد النظر له بضوحه وسجنه
ياعسى وبله على روض خفَّاقي يسيل
لين يورق كل عرقٍ من البعد دفنه
غرّدي له يالقوافي على البحر الطويل
هاجسي به والتفاكير والشكوى منه
والوله والشوق للوصل رغم المستحيل
عادته يأخذ من الرجل فكره وبدنه
احتمل ياخافقي هم تذكار الرحيل
وما كتبلك فالمقابيل ماعنك.. وعنه