شاعر وأكثر من صورة

إبراهيم العبداللطيف

يا كثر من عرفه افضاه لمصيره
كم ليببٍ عاش حِرّ ومات حَرّه
ذا وكلٍ له على نفسه بصيرة
من هداه الله ومن مغويه غرّه
سجة
يابن الأودام عطيت الصبر عرقوبي
بادلني البوح ما شال الحشا هاته
إلى متى سجة اشراقك عن غروبي
صبحي مسا وانت صبح ينفي اثباته
معاني
يسامحك ربي كيف كرهتني لاماك
وهي غاية ماكتب لي دربها سالك
يسامحك ربي ثانية كيف عز رضاك
تموت المعاني غيظ ماغيرت حالك
مبادي
جريح النظر وش لون جرحه يمضّ دواه
وهو بارده محذور ناب وشبرية
يطيب الخنوع اللي تجاهل شرف مبداه
مهوب العيوف اللي مبادية محمية