ليل حالك

ذكر وانا امد المواصيل لرضاك
ولجلك اصارع بالوله ليل حالك
وابكي على شانك وروحي ترجاك
واقدم النفس العزيزه فدا لك
واستجمع الذكرى واعدد مزاياك
واصيح يا نبع الغلا وش جرى لك
ماحدٍ بشرع الحب سوى سواياك
قتلتني والذنب قلبي وفا لك
تدري تعال نناقش الوضع يا ذاك
وهذي خياراتي وذا طيب فالك
اما تصحح بالمحبه خطاياك
وتعيد تفكيرك وتعلن وصالك
والا عليك الله روح لدنياك
واحمل معك قلبٍ بحبه صفا لك
ما عاش يوم الا وهو طوع يمناك
دمه ووناته وروحه حلالك
وان وصلك اني ما تحملت فرقاك
اشرح لمرسول المواصيل حالك
قله يبلغني بصدك وجفواك
وقله يقلي حل غيرك بدالك
اجرح لعل القلب يقوى لفرقاك
وتتحرك العزه وغادر مجالك
وارمي ورى ظهري تفاصيل ذكراك
وابكي وجفف دمعي اللي جرى لك
اوااااه يا اغلا المخاليق مقساك
واواه ليت القلب يعلن زوالك
بارعة