الموت سُنّة ربنا في عبيده

ياالله تزيح الهم والغم عنا
والحزن تقفاه الليال السعيدة
الله ير حمنا ولا يمتحنا
الموت سنة ربنا في عبيده
الموت اخذ نايف وسلطان منا
وفهد فهد ليت المنايا تعيده
ارجي من الله واطلبه واتمنى
يبقي لحكام الشريعه شريدة
منا الولا لملوكنا في زمنا
حنا لنا مبدا ودين وعقيدة
منا الوفا من يوم كانوا وكنا
شعبٍ موالي والقيادة رشيدة
وكم واحدٍ طبّل وزمّر وغّنا
زمرة ابليس من الحدث مستفيدة
لوغاب نجمٍ وفي غيابه حزنا
تطلع نجومٍ في سمانا جديدة
يا ابو فهد حنا هل الصدق حنا
جاك الولا ومبايعتنا الاكيدة
ويالله تحمانا وتحمي وطنا
ويعيش ابو متعب سنينٍ عديدة
الشاعر/ عالي الجش المطيري