ارحمه يا رب

ما تموت وباقي الحزن بربوع البلاد
ما تموت وسيرة الامن مع مجدك شريك
ولا تضيق دروب الايام وصدور العباد
وانت ماخليت دمعه بلطفك تشتكيك
ايه يانايف بكينا وطاولنا السواد
في غيابك كل وافي بعد موتك دريك
كيف وانت الامن والامن للمسلم عماد
كل مجدٍ نفتخر فيه دايم منك فيك
لكن الله خالق الكون في حكمه اراد
اننا له نخضع بذل والمرجع اليك
ودامنا حيين والله ماعاش الفساد
والعزاء في عضدك اللي بعمره يفتديك
ان سآلنا أحمد مثل حر في ساعة هداد
ياسمي المصطفى نبتديبك ونتهيك
وان ذكرت محمد العز ودروبه شداد
قاسياّ ليّن سياسي بعطفه مثل اخيك
والوطن ما يقبل البيع في يوم المزاد
معاهدين وندفع الدم والمعنى نبيك
نكمل المشوار من بعد ونعد العتاد
دون دين الله وافين لعيون المليك
يا عسى من يمة الغرب لاهبت براد
وناض برقٍ والمراديم هماله وشيك
ما تعدى قبر نايف تعلّه لين زاد
سيله اللي صار للورد والغيمه شريك
ارحمه يارب رحمتك ما تقبل نفاد
ورحمتك يا رب الأرباب للإنسان شيك
الشاعر/ سعيّد العمودي - حائل