شكوى حظ

فوح قدر ذاب من قو اللهيب
لاهب وسط الحشا زاد الجروح
لا نفع رقيه ولا فاد الطبيب
لا حد يشعر ولا يسمع وابوح
ما بصدري يوم انا وحدي صويب
الله اكبر ما لقيت اللي نصوح
يقبل الشكوى بعيد ولا قريب
كيف من يفقد عزيز له ينوح
عادي لغيره وله امر عصيب
طيلة ايامه مع افراح ومزوح
ما خطر في البال ما صابه يصيب
مستنير بالقمر ليله وضوح
ما يحسب ان القمر عنهم يغيب
كل ما قلت الفرج قدمي يلوح
صار ليه في الطريق أمر غريب
امشي مع الفجر قدام السروح
احسب المسراح هو سر النصيب
ما دريت ان الحظوظ اللي تروح
طاب لك ولا لعله ما يطيب
حظ اكوع كنه احصان جموح
يطرح الخيال في الماد القريب
بتبرم به مثل براق يلوح
لا عظم يجبر ولا سقم يطيب
ليت من يرميه من فوق السطوح
كودنا نرتاح يوم انه عطيب
اشتكي لله خالق قوم نوح
اشتكي له كود هو لي يستجيب
مبروك النامي