وداعاً شهر الخير

وداعا يا هلال الخير يا شهرٍ بدا بالخير
وداع الخير يا شهرٍ حلوله يشرح الصدري
وداع الخير يا شهرٍ به التهليل والتكبير
وداع الخير يا شهرٍ ابنوره كنه البدري
وداع الخير يا شهرٍ منور بأرضنا تنوير
وداع الخير يا خيرٍ بخيره ليلة القدري
وداع الخير يا شهرٍ به القرآن والتفسير
وداع المسك مع ريحٍ مزج مع ريحة السدري
وداع الخير يا شهرٍ بذكره يكثر التذكير
وداعا كلمة يظهر صداها عبرة الكدري
وداعاً كلمة يسبق صداها عبرة التعبير
وداعاً كلمةٍ يحجب صداها فعلة الغدري
وداعا عد مخلوق مع الكون الفسيح ايسير
وداعاً عد قطرات تهاتف داخل الخدري
وداعاً قلتها عدة وداعا قلتها تكرير
وداعاً كلمةٍ كل بها كل الملا تدري
شهر فضل وشهر خير وشهر نور وشهر تكفير
شهر به ليلة القدري وما يدريك ما القدري
عساه ايعود بالمولى وكل المسلمين ابخير
وترفل بالثياب اللي شذاها يشرح الصدري
عسى الله يذكرك بالخير وادع يا رمضان الخير
عسانا فيك ما نخسر نهار الهول والكدري
نهار الهول من هوله عقول العالمين اتحير
ولي الكون يدري به وحنا فيه ما ندري
عبدالله بن غازي الحنيني