غصون الوصل

مالت غصون الوصل في جوف صدري
وأما رحيق الوصل ساحت قطَاعه
نتواعد أحياناً ولا أشوف قَدري
ما نَملك إحساس الوصل واستطاعه
قلي عليك الله تخليني أدري
هل من سبايب هالقطاعة وداعة
ماتخاف ربّك سال دمّي يهدري
يَا خوك جرحك جاب لي الإشاعة
أبيك تبعدني من الطعن بدري
عشان مادعي بالجفا لو لساعة
جرحك وربّ البيت باين بصدري
أجرح ولا تزخرف جروحك بشاعه
لا صرت عايفني وهالناس تدري
رجال وعيوبي.. عيوب الشجاعة