«الحصيله»

ثم انكره في ظرف يومٍ وليله
فعله على علوم الردى دوم معزوف
سفيه ما يعرف يصون الجميله
الطيب ياهل الطيب بالعين مشيوف
والا الردى للي عزومه قليله
ازرع وتلقى للثمر يوم مقطوف
امطار طيبك لايوقف مسيله
بمعاشر الانذال مانيب مكلوف
والا اللي جيت عروق قلبه بخيله
العيب ماهو عيب من عنده ظروف
العيب من بالكذب راعي طويله
وش فايدة لاصار لابليس مجروف
غير الذنوب وعطف ربي كفيله
ماهو مثال اهله ولافيه موصوف
لوّه مثال يطيح حظ القبيله
يهون عنده ضرب الايمان وحلوف
من كثرها كنه بيشفي غليله
على عشيرٍ صب له نار بالجوف
ثم احترق جوفه وضيع خليله
تزين اخلاقه اذا وصلت الخوف
قاتل ويمشي في جنازة قتيله
اكيد ما نلقى على مثله حسوف
لوَّه نبت في ارض خصبه اصيله
يجيه يوم يصير بالخبث مكتوف
يذوق ماسوى بروحٍ عليله
دام الردى معروف والطيب معروف
واللي زرع يلقى في يوم الحصيله
منصور البطي