غيبة قمر

لابتدينا بالعلاقة تبتدي عني تغيب
غايب عدة ليالي دون حس ولاخبر
وانت تدري عن حبيبك مارضا غيرك حبيب
ياتغير من طبوعك ياتقدم لي عذر
لاتظن الوضع فوضى لارقيب ولاحسيب
ابتسم لي بسمة استحياء بانت بالثغر
هيبت قلب الشجاع وحيرت قول الخطيب
قال ماتدري قديما ويش قالو بالاثر
حكمة منها تنور صاحب العقل اللبيب
قلت قلها قال حاضر بس فضلا لاامر
بسالك عنّي سؤال ولوتكرم لي تجيب
من حسب وجهة نظرك وكل شاعر له نظر
ودي اسمع عن وصوفي من لسانك يالاديب
قلت في خدك متاهه وبهدب عينك سحر
كل محاسن هالطبيعة ماخذ منها نصيب
قال يعني ماتعارض لو بقول اني قمر
قلت حاشا كيف اعارض عندك الراي المصيب
قال يكفيني كلامك لا تزود لو سطر
قلت وضح ما فهمتك صاير قولك غريب
قال مافيها غرابه لو تناظر للبدر
البدر هاذي وصوفه دون شك ودون ريب
والقمر لولا غيابه ما تميز بالشهر
وانت وبعظمة لسانك قلت وصفي له قريب
يعني اتحمل غيابي دامي بعينك قمر
غيبتي بعض الليالي مابها شي عجيب
الشاعر/ صالح محمد العنزي