هنوا بعضكم

هنوا بعضكم ليلة العيد بالعيد
وأنا على ماني عليه اتركوني
ما شوف بعيوني مع العيد تجديد
تساوت إن خلون وإن عايدوني
أفراحهم بمصافح الإيد بالإيد
وأحاول أضحك كل ما قابلوني
أزيف البسمة وأبارك ولا تفيد
تفضحني الدمعة بمحجر عيوني
على فراق اللي مع غيابه يزيد
شوقي وجدَّد بالغياب الطعوني
رحلة شقاي وغربتي عنكم تزيد
ممنوع عن وجيت له ومنعوني
ودعت عيد الناس من غير تحديد
من يوم وادعني وقفا بدوني
علي بن مدالله المدالله