مع السلامة

يا ونتي ونت قليل المحاصيل=اللي لجوه ضيوف تبكي عيونه
الى حدوه الناس بالقال والقيل=كل ما انفتح له باب صكوه دونه
في حب جاهل سيد كل الغناديل=حاكم على قلبي ومالك شجونه
له طلعةٍ نوره يغطي القناديل=يعزف لحن مملوح محلى لحونه
حتى زرع له في ضميري مشاتيل=يسقيني امراره وأقول زان لونه
ولا مر له طاري أقيم المعاديل=مرضا عليه اعرضه للمهونه
واليوم طيري ناوين للتراحيل=مع السلامة صوبتني طعونه
في غيبته دموع عيني غدت سيل=أبكي وأضحك وأتذكر فنونه
بعيش عمري اليا بقالي تساهيل=لا حب لا محبوب يسوى عيونه