شهر رمضان

فردٍ صمد كل المخاليق ترجيه
جل جلاله ما لنا غير ظله
سبحان من كل التصاريف بيديه
طالبك يا اللي كل عقدٍ تحله
منجي سفينة نوح ومجيب داعيه
يا مخرجٍ ذا النون من محنةٍ له
من وسط حوته والبحر حائطٍ فيه
ألطف بنا يا خالق الكون كله
يا رب عبدك لا تخيب مساعيه
من يجتهد لرضاك يا خالقٍ له
في صدق نيه وأنت عالم بخافيه
شهر رمضان يفوز به مخلصٍ له
شهرٍ فضيل وخيره آخر لياليه
شهر رمضان هلال من ضمن أهله
من يجتهد به فاز به عند واليه
يا الأدامي شهر رمضان استغله
بصوم وصلاتك خالق الكون ترضيه
قم اجتهد خل الكسل عنك خله
تفوز عند الله ساعة تلاقيه
من قبل ترحل والمزاهب مقله
كم واحد يندم على كل ماضيه
دنياك ماهي شيء يا فاطن له
دنيا الفنا مسكن من كان تغريه
الأدامي لا بد يطوى سجله
الموت لو طالت لياليه قافيه
درب السنع ما كل شخصٍ يدله
والرجل يازن مع طريقه خطاويه
ولا تواخذ الصاحب على كل زله
بعض الخطأ يا صار تقدر تعديه
والصابح اللي فيه خله وخله
جنب طريقه لا تقرب حواليه
وهرجٍ بلا معناه يا مصغي له
ما هو لزومٍ يا أبيض الوجه توحيه
ورشاك عن بعض المواريد تله
يا صار جمه ما يروي ضواميه
وصلوا على اللي بالمدينه محله
شفيع الأمة كلها عند باريه
الشاعر- جميل محمد العنزي