خالد الحمود الشايبي

شاعر وأكثر من صورة

المال مايجمع بكثر الحوارف
والجود ماهوب السبب في تلافه
الجود يرقيك العلا والمشاريف
والبخل يوصلك السفل والكلافة
****
توبة
إلهي لاتواخذني بذنبي
تراي امزاحم حملي الحالي
الهي عافني ثم اعف عني
وعفوك من عطاياك الجزالي
****
ثقة
خلي على راعي الهوى وش كوده
عليه من هرج العرب ستر وحجاب
شوفه دواي وعلتي من صدوده
ودواه شوفي والمودة لها أسباب
****
تراجع
يوم اني اقنص وبارودي على متني
وانا تراي آخذ الشوكة بمنقاشي
واليوم صديت والأيام صدتني
ما عاد لي بالهوى ومتابع اللاشي