بقايا الحزن!

ما عاش من يجرحك يا زين ما عاش
يا راحتي.. وآمني.. وحزني.. وخوفي
أشتاق لك مادام شوفك لي نعاش
وتغيب وطيوفك.. تداعب.. طيوفي
نقشت حبك في خفوقي بمنقاش
وغيرك على قلبي يمر ويطوفي
راس الظبي من خلقته مابه عراش
لكن عيونه من عيونك.. وصوفي
يا دانةٍ تحرم على سومه اللاش
شريتها وأرضى بوقع الظروفي
يا فني اللي ينتظر عزف الأرياش
يا صفحةٍ ما تحمل إلا حروفي
أنتي وأنا صرنا مثل طاش ما طاش!
وشوفي بقايا الحزن بالوجه شوفي!