بصمة ناعمة

تعال دوّر عضو في جسمي سليم ولا انجرح
وقلي وش اللي تقصده بالضبط من كثر الجروح
أنا أحسب أن الحب عنوان السعادة والفرح
إن كان من عقلك تجي رسام أنا ماني بلوح
أثر الهوى سم ذحاح ولا ضوى,, من به سرح
يقضي على العاشق ولو قلبه مع أحبابه نصوح
الله يا وقت الجهل, وقت الصبا,, وقت المرح
يوم إني أبني بالخيال آمال وأحلام وطموح
براءة الأطفال تشرح كل صدر ما انشرح
يوم النوايا صادقة للي يجي واللي يروح
واليوم صندوق اقراحات للعشاق اقترح
الوضع ما يسمح ووقت الحب بأفراحه شحوح