بدري عليك..!

تعال اكسر حواجز الإنتظار اللي على بابك
أبي تضمن لي بس إنك بعد ما تقول: وش جابك
قبل ماتصرف بشي أنتظر وأحسبها بحسابك
بدون أي شي ياويلي إذا بغلط على احبابك
ومع إنك لو رضيت آظل أنا وحدة من أصحابك
لقلبي اللي يبي كلمة على تسبيلة باهدابك
شآغير فيك وانت الحب يتعارض مع اعصابك
من اللي لخبط الدنيا ولعب في سالف عتابك
مشاعر وسط زحمة هالحياة وهي تحيابك
تعوّضها بوجودك لو مجازاً حالة غيابك
تخيل راحتك في لحظتين بكلمة: أهلابك
يدينك ريحة العود إحتوائي ملمس ثيابك
عمر يادوب مرة قلت لي: شكراً على اعجابك
بلاش اموت آباعرف.. لو بجي بتقول وش جابك؟!
دخيل الخطوة اللي تآخذك يمي ولا تجيبك
واذا ترتاح أنا عادي بجي لعيون ترحيبك
أنا تحرجني أشواقي وتجرحني أساليبك
أخاف اللي أظنه صح يغلّطني وعلمي بك
مع أنه من خطاهم ما أحد غيري يراضي بك
وذي ما أشكلت عندي أنا مشكلتي تعذيبك
حشى جديتك تِنْطق حجر قلي شاسوي بك
من اللي فهمك أن الكفاية بالغلا طيبك
دخيلك حس وش معنى تحبك بنت وتحييبك
كذا تبغى تكون أحلى معك تمشي وتماريبك
تخيّل جيتها منهد حيلك لو تهلّي بك
كلامك آخ ياويلي سكوتك ليل يضوي بك
حكي بدري عليك أدري وانا والله توي بك
أموت أموت بس أعرف وش اللي ينفع يجيبك