تعودتي على قفز الحواجر لو بلا رجلين وصلتي للحدود الحمر لا والله تعديتي مثل قفز الأفاعي بالهجوم اللي لها رأسين تخدعين العيون المبصرات إيلا تلويتي تشوف الناس راس يسار لكن فيه راس يمين إليا جيتي تقل رحتي وإن رحتي تقل جيتي وصدقناك يوم انك تجللتي جلال الدين خدعتينا وقلتي ذي تلاوه يوم غنيتي رفضنا قول من قال انها تلعب على الحبلين وقفنا كلنا جنبك إلين انك تقويتي واخذتي جزر أبو موسى وطنب إلا بعد طنبين وغرك صبرنا المحمود لين إنك تساويتي نشوف انك غلطتي مار قلنا يمكن تعقلين الين انه نفد صبر الرجال اللي تحديتي ولمّحتي على البحرين واشتاطوا هل البحرين إماراتي سعودي وقطري وعماني كويتي أجل قولي بعد بكره حدودي بوظبي والعين إليا وصلت إلى البحرين قولي ويش خليتي بك اطماعٍ مثل جارك بعدوى من حدى الجارين تخبرينه تعدى هو مثل ما انتي تعديتي على وجهين مشتغله ويمكن غيرهن وجهين أسرّي ما تبيحينه وابيحي ما أسريتي من أخرب ديرة اهل العلم والبترول والنهرين هي انتي لين وصلت وضعها اللي قد تمنيتي واهل غزه نسا وأطفال إلى هالحين مدفونين تحت أنقاضها واسبابها انتي لو تخفيتي من اللي ما درى انه صايرٍ لبنان لبنانين وش اللي جاه غير أحزابك اللي قد تبنيتي من اللي خرّب الإلفة من الثورة إلى هالحين هو انتي مثل عاداتك وغيره ويش سويتي تسوين الفضايح باعتبار ان مالعرب دارين عرفناها بوضوحٍ تام يوم انك تماديتي نعرف الصاحب المقبل وهو مع صفة المقفين مثل مانعرف انك مبعده مهما تدانيتي تجرينا من العليا لمستنقعك ومعيّين وإن قلنا ارتقي لاجل التفاهم فوق عييتي يبي لك ضربتين أو هن ثلاث إلين تتربين مثل صدام لين توقعين انك تربيتي
