الشاعر عثمان بن سعد المرشود (أبو عدنان)

أبشكرك باسم كل الميادين

الشاعر عثمان بن سعد المرشود (أبو عدنان)
أبشكرك يامير باسم الميادين
ونقول لك مشكور يامير سلطان
وفيت يابن أجواد ناس كريمين
ويمناك يا شيخ الكرم تقل هتان
في كل مواسم تبذلون الملايين
يفرح به اللي فاز من كف سلطان
من شان عز الخيل يابن العزيزين
راجو وداجو وأدحموا كل ميدان
ما همهم دنيا ولو هي ملايين
كل يبي سمعت سلايل كحيلان
أهل الرياض اللي قديم وفيين
وفي وسط جده للوفا صارله شان
وأهل القصيم الي على الصدق ماشين
يجددون الشكر يانسل شقران
واهل الجبل نعم الرجال الفهيمين
يدعون لك يامير من قلب ولسان
ورماح والزلفي مع الشكر تثمين
لجهودكم مع العطاء زود وإحسان
والمجمعة هي والأحساء وفيين
مع الجبيل أهل الثنا خوش شجعان
والخفجي اللي ضيفنا والجديدين
نعم الرجال اللي لهم باللقاء شان
من الشمال حدودها والقريبين
إلى جنوب أرض الجزيرة وقحطان
فيكم رياض الخير تشدو بتلحين
دار بها للضيف مسكن وعنوان
يا ضيفنا حياك واهلا وسهلين
حنا ضيوف عندكم وأنت سكان
نعيد عرفان الشكر للميادين
ونقول لك مشكور عن كل ميدان