عودة أبو متعب

يالله يا رَبَّنا المَعبود يالشافي
عاد المَلِكْ عاد من رحله علاجيّه
عبدالله عبدالعزيز بخير مِتْعَافي
حِيّيت يا حَيّ حَيّك حَيّه وحَيّه
يَا اعَزّ مِنْ عاد بيتَه مَرحَبا اللافي
غادرت والشعب له دعوات قلبيّه
ترجع يبو متعب ولا تَشْكي خلافي
عوداً حميداً يبو متعب على الجيّه
نَوَّرتْ دَارك يا نور المَمْلَكَه الضافي
شعبك عطاك الولا والعشق ماريّه
وقلوبنا ذابت لشوفتك وارهافي
لا احنا مثل مصر أو تونس وليبيّه
ولا انته مثل بنعلي وحسني وقذافي
حرام اقارنك يا صقر العروبيّه
يكفيك ما لك شبيهْ ونادر اوصافي
كلمتك يا سيّدي ما هي اعتباطيه
مَعروف يا صقر يا مقدام يا سنافي
بكلمه بَنيت ارْبَعَة مدْن اقتصاديّه
والجَامعَه في ثُوَلْ فنار ينشافي
وبكلمه جمعت اهلْ الدّيانات السَّماويّه
بالحبّ جَمَّعتهم وبكل الاطيافي
حِنَّا مَعَك بالعَهَدْ مَليون بالمِيَّه
وحبّ الوطن ماخذينه مِنك يا وافي
تِحبّ شعبك وفا ما بِكْ انانيّه
وتضمّهم في حَنان بقلبك الدافي
طِيبَتْك يا سيّدي فطره طَبيعِيَّه
لله دَرّك كَلام الحَقّ وانصافي
لا تعتذر للحضور النيَّه النيَّه
ياللي انحنَى لكْ أوباما وانت وقافي
وقوف غيرك جلوس وفيه كبريّه
و جلوس مثلك وقوف ومدّتك كافي
الله يديمك على عرش السعوديّه
و تبقى لنا ذخر في صِحَّهْ ومتعافي
سلطان بن حسان