آهات

ويش أسوي لا عجزت أنطقه بلساني؟!!
وآه من دمعٍ نشا ما هما هملوله
لا نقشع غيمه ولا سال فوق أوجاني
وآه من همّ بقلبي يدق اطبوله
أعلن الحرب وتعدوى لي القوماني!!!
سيّر اجيوشه ودك الحشا بخيوله
واستباح الطاغي المعتدي وجداني!!
وآه من نفسٍ على اطباعها مجبولة
حملتني ذم الأقصى ولوم الداني
وآه ثم آه من اللي ترك لي زوله
ليت طيفه يوم عني رحل خلاني
مابقى مني سوى عظامي المنحولة
الحنون القاسي أضحكني وبكاني!!!
والعواذل زادوا القلب فوق احموله
وأسرفوا بي ما دروا عن عذابٍ جاني
قالوا الشعر الذي تكتبه منهوله؟!!
قلت للي كان قبل اكتبه يقراني
والقصيد بدون أحاسيس وش مدلوله؟!!
علموا من يحسبه قافيه وأوزاني
كم تعبت أدور أغلى ذهبه ولوله
ما أكتبه بإحساس حتى احترق وآعاني
عايض بن مساعد