المشاريه

ولاعلى الطيب تراي اتشره
الطيب اللي بالوفا مشفي فيه
يثيرني لاشفت علم يغره
واحد وله عقل وعقله يقديه
ينهاه عن درب الخطأ والمضره
واحد ترى عقله خفيف يدهويه
روابعه للشر دايم تجره
واحد تبي قربه وتفرح بطاريه
واحد فلا تفرح بطاريه مره
ومن لا هداه الله فلا احد بهاديه
ومن لاعطاه الله محد يبره
وراع القشر ما ظن تصفي لياليه
حتيش لو هو ذاق طعم المسره
من الرجل مطلوب يبذل حسانيه
ولا يفك الناس خيره وشره
وانا الطريق الشين ما نيب ادانيه
ما حب درب الشين واللي يمره
احب راع الطيب وامشي مماشيه
ولا اقبل امن الذل مثقال ذره
احب عز النفس ماني امخليه
طبيعتي والحر يرفع مقره
حلفت ما اتبع كل مقفي ولا ارجيه
طرد ورا المقفين عيب وحره
واللي يصافيني تراني بصافيه
ومني يعين كل علم يسره
مساعد بن علي القريني