ما ذخرنا عنك الأرواح وش عاد القصايد وش تبي يادّرة الكون في يومك هديه؟!! لو تبي عقد الكواكب نظمناها قلايد يا وطناً لك غلا واحترام ومقدريه حب قول وفعل ما هوب حكيٍ في ْ الجرايد ما انتمينا للوطن باسم واوراق وهويه الوطن بقلوبنا كلنا شعبٍ وقايد نحمد الله يوم ولَّى زمان الجاهلية الزمان اللي مضى كان فيه الجهل سايد لين شعشع نور الأصباح من نجد العذيه وابتدا وقت الرخا وانتهى وقت الشدايد في ذرى الله ثم في ظل حامين الونيه اسرة آل سعودٍ الابطال وافين الوعايد يا وطنا لك رجالٍ عزايمهم قويه هم هَلْ الشيمات واهل الوفا واهل العوايد ياوطنا دون اراضيك ما نخشى المنيه نارد أحياض المنايا لياشبت وقايد ما نخاف إلاّ من الله معبود البريه مخلصين الدين لله صافين العقايد يا وطنا منبع الجود وكفوفك ندّيه عَمْ خيرك كل محتاج مهما كان نايد جارك الله من صواديف الأيام الرديه موطن الأمجاد ف... أول سنينك والجدايد للجبال الشامخة.. والرمال العسجدية وللبحور.. اللي غلاها بوسط القلب زايد ولولاة الأمر.. والشعب.. سَلام وتحية وكل عام جعل «عيد الوطن» بالعز عايد عايض بن مساعد مداعب الحروف
