ما تعبر عن غلاك

عودتك زاحت مواجعنا الأليمه
مرحبا اعداد ماخضر الجرايد
هبها النسناس مع همال ديمه
يابو خالد لو كتبنا لك قصايد
بالذهب والماس في احجار كريمه
ما تعبر عن غلاك اللى تزايد
في قلوب الشعب مقدار وحشيمه
ما كتبت البيت باخذ له فوايد
للمحبه في الحشا معنى وقيمه
وياوطنا عزك المولى بقايد
نفتخر به في المهمات العظيمه
الفهد عز العرب علم وكايد
يشهد التاريخ بافعال جسيمه
يوم ضاق الكون من نار وقايد
ابو فيصل حلها بأرياً سليمه
ويا وطن نسخر لك اللى كان كايد
فدوتك روحي ومالي لك غنيمه
دام عزك يا وطن والأمن سايد
في ذرا حكامنا رأي وعزيمه
وابو متعب فزعتك وقت الشدايد
في نهارٍ تصبح الارياء عقيمه
واهنيك في ذراهم عشت رايد
وكل عزٍ للوطن ربي يديمه
وابو خالد كان خفت من الوعايد
مد لك يمناه ويدينه كريمه
واحتضنك بحب لو خاض الوغايد
ومن يضدك ياوطن حنا نضيمه
ابو خالد لا كتب وسط الجرايد
شوفة اسمه تقطع ادبار الجريمه
باذن ربي ثم للي له عوايد
كم وكم عالج من عقولٍ سقيمه
دام نايف لطف جروحٍ جدايد
ودام نايف عالج القلب وصميمه
باذن ربي مابقى منهم شرايد
شرذمه ضلوا وصار وكا البهيمه
وما يهمك من يحرف في العقايد
مقصده ياخذ من الدنيا وليمه
ديننا والله بري من ذا الزوايد
والفتن ترها من عصورٍ قديمه
ياوطن عزك طلع في كل نايد
بفضل ربي ما بعد قالوا هزيمه
وشعبنا ماهوب للدوله محايد
دون عرضك ياوطن عزوه وشيمه
جعل ربي يحفظك من كل بايد
منزل الامطار من نوه وغيمه
فهد بن محسن العرجاني