ما بقي حال

اشتاق لك شوق الشجر للسحايب
شوفتك من بد البشر تشفي الحال
والحب من الله ياحبيبي وهايب
أنا أشهد ان لك داخل القلب منزال
تشفق عليك الروح حاضر وغايب
الحال ينحل بعدكم ما بقى حال
كله سببكم ياعذاب الحبايب
ان كان ما تدري ترى الحب قتال
وانته ملكت القلب مني غصايب
اليوم في دنياك يازين رحال
وأعيش كلي هم وانت السبايب
أرفق علي بهون يا مشغل البال
وإلا انت عن درب الجفاء ما أنت تايب
المشكلة قلبي معلق ولا زال
ما طاب لو قلت لك يا زين طايب
ظافر نهار الغويري